[بسطويس الحاره]

رتب رمضانك وحياتك كلها


اول شيء كل سنة وانتم الى الله اقرب

مبارك عليكم الشهر الكريم

ومبارك عليكم العتق من النيران

حابة ادردش معاكم في كم حاجة راح تستفيدو منها بإذن الله في حياتكم كلها
اشياء لو عملناها في رمضان واستمرينا عليها بعد رمضان راح تخلي حياتكم مافي احسن منها
حدخل في الموضوع على طول

ختم القرءان

الكتييير بيقول احنا بالقووووا بنتخم القرءان مرررررررة وحدة ...ايش السبب مدري ؟؟ الوقت في رمضان مررررررة طويل بتقدرو تختمو القرءان اكتر من مرة لكم ولغيركم اقصد بغيركم اذا عندكم احد الاقارب متوفي او مايقدر يقرأ القران ، اهم شيء في ختم القرءان الهمة والعزيمة ،اوقات الفراغ عندكم من يوم ماتصحو لحد العصر ، ومن بعد العصر لحد مايقرب وقت الفطور ،وكمان من بعد الفطور لحد وقت صلاة العشاء والتروايح وبعدين عاد عندكم وقت مافي اطول منو لحد صلاة الفجر وحاول تستغلو ولو نص ساعة بعد صلاة الفجر لان قرءان الفجر حيكون عليكم شاهد يوم القيامة قال تعالى (إن قرءان الفجر كان مشهودا )


وكل يوم لوتعملو كدا يمكن تخلصو في اليوم اكتر من 4 اجزاء
هذا رمضان شهر القران حاولو تستغلو الاوقات على قد ماتقدرو معليش اضغطو على نفسكم شوية بالقراءة تنازلو عن بعض المسلسلات
حطو في بالكم انو رمضان الجاي يمكن ماتعيشو ،واذا حتعيشو يمكن تعيشو بس ماتكون بعافيتكم يمكن تكونو مشلولين وماتقدرو تقلبو صفحات القران انا طبعا مابفاول عليكم بس لازم تحطو اسوأ الاحتمالات وصدقوني هاذي الاشياء راح تساعدكم في ختم القران


اللسان

اللسان وماادراكم مااللسان
ياليت في هذا الشهر الفضيل تحسنو من الالفاظكم يعني بلاشي من السب واللعن وياكلب وياحمارة وحيوانة و.....، والمصيبة انو بعض السبات بتكون الدعاوي الله ياخذ عمرك الله يكسر يدك و..... تخيلو انو كان وقت مستجاب فيه الدعاء ، لاو بعد هاذي كل الدعاوي تكونو غلطانين يعني الدعوة راح ترجعلكم لانو تدعوة من غير حق راح ترجع لصاحبها
ليش ماتقولو الله يصحلك ، الله يهديك ، الله يسعدك ،،اذا مررررة تبغو تسبو وتدعو قولو الله ياخذ ابليسك ، الله يرج ابليسك
هاذي بتفيد لو كان عندكم اطفال لانو انتم القدوة لهم


المسلسلات

اما المسلسلات اللي بنتفرجها في رمضان ونشوف الاعادة كمان لانو في لقطة ماشوفناها والمصيبة انو هاذي المسلسلات كلها بتنعاد بعد رمضان وكمان بعد رمضان بنشوفها في كل القنوات لانو لازم تحفظوها صم يمكن عندكم اختبار
ياهوووووووو ياامة لا إله الا الله رمضان شهرة العبادات لا شهر المنكرات
ليش مانتابع برامج الدينية
هاذي فرصتنا نعرف اشياء كترة نجهلها في ديننا ، ليش مانتابع برامج سيرة الرسول واللهي البرامج الدينية حلوة بس انتم جربو تابعو هاذي البرامج بس في فترة رمضان ،مااقولكم اني انا ملتزمة بس ضروري اعرف على الاقل الاشياء الاساسية عن ديني واللهي لو سالت أي بنت او ولد متى ولد الرسول الاغلبية مايعرف بس اسألهم متى ولد تامر حسني متى عيد ميلادو على طول حيجاوبو
انا ان شاء الله حانزل جدول عرض البرامج الدينية


الاسواق
بلاشي من اللفلفة طول رمضان في الاسواق قضو قبل رمضان واذا ماقدرتو عندكم من اول يوم لحد عاشر يوم بعد كذا تنزل البضاعة القديمة تبع رجب وشعبان هذا مو كلامي والله هذا كلام اصحاب المحلات ، والله في عشر الاخيرة المساجد فاضية مافيها احد وصلت المواصيل انو بس الصف الاول ونص التاني او اذا المسجد كان مليان كمل الصف التاني

الصلاة

الصلاة في رمضان بعشر صلوات ،والصلاة مع الجماعة افضل من صلاة الفرد 27 درجة

تخيلو الاجر قد ايش راح يكون لو صليتو التراويح والتهجد ، طبعا غير السنن الرواتب اللي الكتييييير مايصليها مدري ليش يمكن كسل ، او اهمال
بس لو واظبتو عليها بس في رمضان راح تستمرو بعد رمضان ، هاذي فرصتكم يابنات ويااولاد

بعض الاعمال الخير في رمضان


•طريقة مررررة حلوة بتجيبو اكياس البيبسي اللي في البقالات وتحطو فيها 7 حبات تمر مع كاسة او قارورة موية اللي بنص ريال ،وتخلو اخوانكم الصغار اللي اعمارهم من 8 سنين وفوق يوزوعها عند الاشارات للصائمين اللي مايلحقو يروحو بيوتهم ويفطورو
وترى هاذي الطريقة مهي مكلفة يعني كرتون الموية في 40 حبه وسعرو اقل من 10 ريال والتمر موجود في كل بيت
•توزيع المسواك
•كمان توزيع المويات في المساجد عند الحريم لانو كتير من المساجد مايكون فيها بردات وشوفو الدعاوي اللي راح تجيكم
•ممكن تعزمو اصحابكم عندكم في البيت بنية تفطير صائم
•ممكن تتصدقو ولو بريال واحد فقط واسهل طريقة للحجات وعمال البلدية اللي تارسين الشوارع
•امممممم كمان ممكن تكفلو يتامى لا تقولو مانقدر الا تقدرو لو المبلغ موعندكم جمعو من اخوانكم واصحابكم واقاربكم
قولو في عمل خيري مين يبغى يساعد وصدقوني الكتييير راح يساعد ويقبل واصلا كفالة اليتيم ماهي غالية وانتو اكفلو باقل سعر

اخواني واخواتي رمضان فرصة فلا تضيعوها

وسبب راحة القلوب في رمضان قربها من خالقها

هاذي فرصتكم لان الشياطين مقيدة
اللهم اختم لنا شهر رمضان برضوانك ، واجرنا من عقوبتك ونيرانك، واجعل مالنا الىجناتك.

اللهم اعد علينا رمضان اعواما عديده ، وازمنهمديده.
اللهم اعد علينا رمضان اعواما متتاليه ، وارزقنا الزهاده فيدار الفانيه ، وارفع منازلنا في جنة عاليه.
اللهم اجعلنا ممنقبلت صيامه وقيامه ، وغفرت له زلاته واجرامه ، ووفقه لطاعتك فاستعد لماامامه.
اللهم ارزقنا الاستقامه على دينك في كل زمان في رمضان وفيغير رمضان




اتمنى اكون افدتكم

ولا تنسوني من الدعاء

[ميدو]

يسلمووووو على المووو ضووووووع